Advisers

Mr. Jayson Sevilla Sicorsicor

Discipline

Education

Abstract

Ang pag-aaral na ito ay nagsusuri ng mga piling kanta ng Ben&Ben bilang representasyon ng kulturang kabataan gamit ang semiotikong pagsusuri. Layunin nitong tukuyin ang mga tema, simbolo, at mensahe na matatagpuan sa mga awiting "Kapangyarihan," "Lunod," at "Mapanghi," at suriin kung paano ipinapahayag ng mga ito ang damdamin, karanasan, at pananaw ng kabataan sa makabagong lipunan. Gumagamit ang pananaliksik ng kwalitatibong pamamaraan at teoryang semiyotika nina Saussure at Barthes sa pagsusuri ng liriko at simbolismo ng mga kanta. Lumitaw sa pagsusuri ang mga tema ng pag-ibig, personal na pakikibaka, pangarap, at kamalayan sa lipunan, na nagpakita kung paano nagsilbing salamin ng kabataan ang musika. Nakita rin na ang Ben&Ben ay naging mahalagang representasyon ng kulturang Pilipino, na tumulong sa pagpapalakas ng identidad, pag-unawa sa sarili, at aktibong pakikilahok sa kultura. Bilang kongklusyon, ang musika ay itinuring na higit pa sa libangan; ito ay naging paraan ng pagpapahayag ng karanasan at identidad ng kabataan, at inirerekomenda ang patuloy na paggamit ng semiotikong pagsusuri sa paggawa ng mga dokumentaryo o bidyo upang higit na mapalaganap at maipreserba ang kulturang Pilipino.

Keywords

opm, ben&ben, musikang pinoy, semiyotika, kulturang kabataan